Ако Врховниот суд ја поништи пресудата од 1973 година, тоа би значело дека абортусот нема да биде дозволен во околу половина од сојузните држави.
Неколку илјади луѓе се собраа на митингот за правото на абортус во Њујорк, а протести се одржаа и во Вашингтон, Атланта, Чикаго, Денвер, Лос Анџелес и Сиетл, објави Ројтерс.
Во Лос Анџелес дошло до судир со полицијата, а еден полицаец е полесно повреден, додава АП.
Врховниот суд потврди дека нацртот што го објави порталот Политико е автентичен, но и посочи дека тој не претставува одлука на судот ниту конечен став на кој било член за прашањата во тој случај.
