Според првите излезни анкети за претседателските избори во Франција, актуелниот претседател и кандидат на партијата Република во движење Емануел Макрон обезбеди 28,5 отсто од гласовите, додека Марин ле Пен, десничарската кандидатка на Националниот фронт, доби 23,6 отсто. Овие резултати значат дека Макрон и Ле Пен, како и во 2017 година, повторно влегоа во вториот круг на претседателските избори, кои ќе се одржат на 24 април.
BREAKING: #Macron beats #LePen in French #presidentielles2022 first round election.
A larger spread than 2017. pic.twitter.com/T7tU8hEc8K
— Dave Keating (@DaveKeating) April 10, 2022
Со дури 20,1 отсто од гласовите, на третото место се најде претседателскиот кандидат на екстремната левица Жан Лук Меланшон. Зад него се Ерик Земур со 7,2 отсто и Валери Пекрес со 5 отсто.
Проценките на ИПСОС укажуваат дека уште седум кандидати освоиле под пет отсто од гласовите, вклучувајќи ги претставникот на Зелените Јаник Жадо и градоначалничката на Париз Ан Идалго.
Интересно е тоа што по објавувањето на резултатите и Меланшон и Пекрес го поддржаа Макрон. истото го направија и Жадо и Идалго.
Marine #LePen says #Macron “has fought against individual nations and individual peoples in Europe”.
“On the 24th of April, people will vote for our society and civilization,” she says. “It will be one where people defend the French language, our civilization, our way of living” pic.twitter.com/4ICjGarRAy
— Dave Keating (@DaveKeating) April 10, 2022
„Не би требало да гласате за госпоѓата Ле Пен. Го сфаќам вашиот гнев, но не препуштајте му се. Не дозволувајте гневот да ве натера да направите нешто непоправливо. Ле Пен не би требало да добие ниту еден глас“, кажа денес третопласираниот кандидат Меланшон.
Откако го призна поразот, Пекрес ги повика своите гласачи да гласат за Макрон во вториот круг на претседателските избори за да се сочува Франција од Ле Пен и „хаосот кој би следел“.
Conservative candidate Valerie Pecresse — who scored a disappointing 4.8 percent in the first round of the French presidential election, according to first projections — urged her voters to back incumbent Emmanuel Macron in the second round.
More updates: https://t.co/T5pjxfVeA0 pic.twitter.com/0FrraFiQr3
— POLITICOEurope (@POLITICOEurope) April 10, 2022
Единствениот кандидат кој по објавувањето на резултатите ја поддржа Марин ле Пен беше Ерик Земур, кој изјави дека Ле Пен ја има неговата поддршка и ги повика гласачите да гласаат за неа.
И покрај тоа што различни излезни анкети нудат малку поинакви резултати, Би-би-си истакнува дека „сè јасно покажува дека актуелниот претседател Емануел Макрон и лидерката на крајната десница Марин ле Пен минале во вториот круг“.
French President Emmanuel Macron and far-right leader Marine Le Pen gathered respectively 28.1 percent and 23.3 percent of the vote, according to projections by poll institute Ipsos.
Macron’s supporters are now singing « 5 more years » pic.twitter.com/BHHbPGRl2T
— Elisa Braün (@ElisaBraun) April 10, 2022
