„Во тешки времиња, многумина покажуваат кои се навистина, кажано на руски, предавници. Тие самите исчезнуваат од нашите животи. Некои ја напуштаат функцијата, некои активната служба, некои ја напуштаат земјата и заминуваат во други земји. Така се одвива ова самопрочистување“, изјави Песков за новинарите.
Запрашан дали првите чекори на „чистење“ е означувањето на вратите на противниците на војната со буквата „Z“, Песков рече дека не смета дека тоа е чекор кон чистење.
„Сега сите се многу емотивни и го поддржуваат претседателот. Има многу кои не сакаат само емотивно да го поддржат претседателот, туку и на дело. Тоа е огромно мнозинство“, рече Песков.
Рускиот претседател Владимир Путин вчера изјави дека во земјата има „петта колона“, односно оние кои, според него, се подготвени на сè за да припаѓаат на „високата каста“ во Европа и во САД.
Путин изјави дека Западот со помош на овие луѓе се обидува да ја подели Русија и додаде дека „рускиот народ секогаш може да ги разликува вистинските патриоти од предавниците“.
