„Направена е техничка пауза во преговорите до утре – за дополнителна работа во работните подгрупи и допрецизирање на поединечните дефиниции. Преговорите продолжуваат“, изјави украинскиот преговарач Михајло Подољак.
A technical pause has been taken in the negotiations until tomorrow. For additional work in the working subgroups and clarification of individual definitions. Negotiations continue…
— Михайло Подоляк (@Podolyak_M) March 14, 2022
Украина објави дека водела „тешки“ преговори со Русија за прекин на огнот, итно повлекување на војниците и безбедносни гаранции, истиот ден кога едно лице загина, а 12 беа повредени во гранатирањето станбена зграда во Киев.
Двете страни навестија дека на повидок има некакви резултати од разговорите, по претходните рунди разговори, кои првенствено се фокусираа на прекин на огнот и доставување помош до опколените градови и евакуација на цивилите.
Подољак рече дека разговорите биле тешки поради екстремно различните политички системи во Русија и Украина. Преговорите ќе продолжат во вторник, рече тој.
Според него, Русија сѐ уште има илузија дека насилството врз Украина е добра стратегија.
Русија, од друга страна, ја обвинува Украина дека ги користи цивилите како жив штит.
