Вредноста на украдената стока била проценета на милиони евра, а кражбата била снимена со камера. Интересно е што ограбената продавница е на само неколку чекори од Министерството за правда, соопшти француската полиција.
Braquage sous AK47 chez Chanel…. Jamais j’aurais cru voir ça de ma vie ? pic.twitter.com/BnjgHU0OTt
— BMS_BARBO SUGIMOTO (@LeBarbologue) May 5, 2022
Четворицата провалници, кои носеле шлемови и биле маскирани во црно од глава до петици, биле снимени како излегуваат од продавницата за часовници и накит на Шанел на модерна трговска улица во центарот на Париз. Тие избегале со два мотори, а најмалку еден од нив бил вооружен со автоматска пушка АК-47.
Крадците мирно ја напуштиле продавницата со полни торби, без оглед на минувачите и сообраќајот. Снимката од грабежот што се појави на социјалните мрежи ја направил еден од случајните минувачи, кој го гледал грабежот од другата страна на улицата.
Продавницата по грабежот била привремено затворена, а обвинителството отвори истрага.
