Како што наведуваат од Охрид СОС во забелешните на предложениот закон, составот на Комисијата во која членуваат избраници на министрите и општински бирократи ја поткопува нејзината функција како стручно и независно тело и не може да го гарантира интегритетот и независноста потребна за управување со светското наследство.
„Без редефинирано, експертско и независно членство на Комисијата, законот ќе остане формален и неефикасен, неспособен да обезбеди реална контрола и супервизија врз светското наследство. Повторно се пропушта можноста да се воведе оцена на влијанието врз наследството, согласно барањата на УНЕСКО. Наместо тоа, се користи оцена на влијанието врз животната средина и заштитно-конзерваторски услови, кои се несоодветни во контекст на светското наследство. Дополнително, во пракса овие механизми се применуваат недоволно квалитетно, особено имајќи го предвид застарениот и проблематичен Закон за животна средина“, велат од Охрид СОС.
Според нив, нацрт-законот не предвидува воведување на суспензивно дејство ниту автоматски правни последици.
„Отсуството на вакви механизми овозможува формално почитување на обврските кон Комитетот за светско наследство на УНЕСКО, но фактички го поткопува нивното спроведување и не обезбедува ефективна заштита на мешаното светско наследство.
Пропуштено е да се воведат посебни одредби за надомест на штета предизвикана со реализација на штетни проекти, ниту механизми за санација или реституција на нарушеното природно и културно наследство. Отсуството на вакви одредби значително ја ослабува ефективноста на законот и не обезбедува целосна заштита на исклучителната универзална вредност“, се наведува во забелешките на Охрид СОС.Во нацрт-законот, дополнуваат оттаму, целосно се игнорираат веќе издадени или одобрени документи, проекти и планови. Како резултат, е пропуштено да се воведе механизам за нивна ревизија и повторна оценка, со што се остава можност за правни несогласувања, недоследности во управувањето со наследството и потенцијално поголема штета врз природното и културното наследство. Ревизијата на овие документи е неопходна.Од Охрид СОС потенцираат дека детално, на триесет страници, ги адресирале сите, според нив, недостатоци и слабости, понудиле нашите предлог-измени и дополнувања на предлог-законот, со цел подобрување на законскиот текст.
Пропуштено е да се воведат посебни одредби за надомест на штета предизвикана со реализација на штетни проекти, ниту механизми за санација или реституција на нарушеното природно и културно наследство. Отсуството на вакви одредби значително ја ослабува ефективноста на законот и не обезбедува целосна заштита на исклучителната универзална вредност“, се наведува во забелешките на Охрид СОС.Во нацрт-законот, дополнуваат оттаму, целосно се игнорираат веќе издадени или одобрени документи, проекти и планови. Како резултат, е пропуштено да се воведе механизам за нивна ревизија и повторна оценка, со што се остава можност за правни несогласувања, недоследности во управувањето со наследството и потенцијално поголема штета врз природното и културното наследство. Ревизијата на овие документи е неопходна.Од Охрид СОС потенцираат дека детално, на триесет страници, ги адресирале сите, според нив, недостатоци и слабости, понудиле нашите предлог-измени и дополнувања на предлог-законот, со цел подобрување на законскиот текст.
„Сметаме дека без радикално реструктурирање на клучните одредби, сегашните пречки за ефикасно управување ќе останат непремостливи, а деградацијата на регионот ќе продолжи со несмалено темпо. Со овој чин, ние не само што укажуваме на пропустите, туку нудиме и конкретна алтернатива која наместо парцијални интереси, во фокусот ги става долгорочниот интегритет и вистинската заштита на природното и културното наследство на Охридскиот Регион“, нагласуваат од невладината Охрид СОС.
