Снимката од воздух покажува човек на велосипед како вози по улица. Потоа се симнува за околу аголот да оди покрај велосипедот. Во негова насока биле испукани неколку рафали од оклопни возила. После тоа, на местото на настанот се забележува прашина и чад.
Снимката, снимена кон крајот на февруари е направена од украинската војска и е независно потврдена од Њујорк тајмс. Телото било пронајдено на истото место откако руските сили се повлекле од областа.
New drone imagery shows Russian forces firing on a cyclists in Bucha, on Yablunska Street at 50.54148, 30.228898, where multiple corpses have been filmed and photographed https://t.co/1GPF9NJjcB pic.twitter.com/CBR3DnMyyq
— Bellingcat (@bellingcat) April 5, 2022
Весникот објави сателитски снимки во понеделникот на кои се гледаат телата на неколку луѓе како лежат на улица во Буча уште во средината на март, пред руските сили да се повлечат. Од овие снимки не може да се утврди причината за нивната смрт.
Снимките од тела откриени во Буча предизвикаа бес на меѓународната јавност. Украинската и американската влада ги обвинуваат руските сили за многу убиени во Буча. Москва го негира ова и вели дека обвинувањата против руската војска се неосновани.
