„800 милиони долари, оружје толку вредно ќе му биде испратено на Киев од Вашингтон. Тоа е огромен износ, а тоа не придонесува на каков било договор“, кажа рускиот амбасадор во САД Анатолиј Антонов.
„Истакнавме дека е неприфатливо САД да ја снабдуваат Украина со оружје и побаравме таквата пракса да престане“, кажа Антонов, порачувајќи дека целта на САД е „да ја спречат Русија цврсто да застане на нозе и да се слушне рускиот глас“.
Шефот на американската дипломатија и министерот за одбрана се сретнаа во Киев со украинскиот претседател Володимир Зеленски и му ветија нова помош во износ од 713 милиони американски долари за украинската влада и други земји во регионот кои се „плашат од руска агресија“.
Американскиот претседател Џо Бајден вети овој месец воена помош во вредност од 800 милиони долари за Украина, вклучувајќи тешка артилерија.
