Милан останува на врвот на табелата по 32. коло во Серија А, но Интер е тој што сам одлучува за Скудетото со оглед на тоа дека „нероаѕурите“ имаат натпревар помалку.
Избраниците на Пиоли влегоа во голгетерска криза, втор натпревар во низа не успеаја да постигнат гол и одиграа само 0-0 на гостувањето кај Торино.
Во натпревар со малку шанси, Милан до самиот финиш се обидуваше да стигне до победа, но никако не успеваше посериозно да го загрози голот на домаќините и мораше да се помири со еден бод.
