„Лирски елегии” и „Поеми од Балканот” нови книги на д-р Александар Саша Трајковски

Имајќи ја предвид компетентноста на авторот да пишува за човечката психологијата, бидејќи по вокација е лекар, му дава можност со голема леснотија да успее на многу едноставен начин детално да ги прикаже сите слоеви од раскошната, божествена и совршено искрена убавината на човекот, но во исто време и неговите лоши и темни страни, се она што може да го опкружува еден човек во едно општство,  што го вознемирува или го опструира, вели издавачот. Како што вели авторот, неговата професија, колку е благородна толку и комплицирано сложена, што самата по себе како ланец зад себе си го носи тој толку непосакуван, но неизбежен стрес, обременетост секојдневна со анксиозност, тага, емпатија кон тие што страдаат, и сето ова е всушност и главната инспирација негова за пишување на поезија, но и  конкретно во неговите најнови книги. Авторот напоменува дека најновите ракописи биле пишувани во еден период од неговиот живот кој не бил многу лесен.