По средбата одржаа прес-конференција. На неа Лавров рече дека генералниот секретар на ОН е „многу добро информиран“ за целите на руската „специјална воена операција“ во Украина. Тој рече дека конфликтот е „опасен повик за будење на Обединетите нации“ и ги обвини ОН дека се обидуваат „да ги променат основните правила“ на својата повелба.
Генералниот секретар на ОН сугерираше дека Обединетите нации се подготвени да делуваат за да спасат животи во Мариупол. Гутереш рече дека ОН се „подготвени целосно да ги мобилизираат своите човечки и логистички ресурси за да помогнат во спасувањето животи во Мариупол“.
Опишувајќи ја ситуацијата во градот како „криза во криза“, тој предложи ОН и Меѓународниот комитет на Црвениот крст – заедно со руските и украинските сили – да соработуваат за да им овозможат на луѓето да одат „во која насока и да изберат“.
По жалбата на Лавров дека ОН не се вклучиле по, како што ги нарече, украинските „злосторства“ во Луганск и Доњецк, Гутереш се вклучи и го кажа своето мислење.
Тој рече дека разбира оти Русија има „многу жалби“, но дека постојат „голем број механизми со кои може да се решат жалбите“. „Постои една работа што е вистина и очигледна и која никакви аргументи не можат да ја сменат“, рече тој. „Немаме украински војници на територијата на Руската Федерација, но имаме руски војници на територијата на Украинската Федерација“.
Тој исто така ги негираше тврдењата на Лавров дека ОН се обидуваат да ги „пречкртаат основните правила“ од својата повелба, велејќи дека групата „целосно ги почитува сите резолуции на Генералното собрание и Советот за безбедност“.
Лицето на рускиот министер за надворешни работи беше камено по говорот на Гутереш.
Лавров рече дека нема да продолжат преговорите со Украина за да им се дозволи на цивилите да го напуштат Мариупол. Претходно Украина повика на специјална рунда преговори со цел да се спасат животите на заробените во опколениот град.
Запрашан за изгледите за преговори, Лавров рече дека тоа е „театрален гест“ од Украина и дека „веројатно сакале да предизвикаат уште една потресна сцена“.
„Ако зборуваме за сериозни ставови во рамки на разговорот, подобро е што поскоро да одговорат на нашите предлози“, рече тој. Тој тврди дека украинскиот претседател Володимир Зеленски ги игнорирал последните предлози на Русија.
