Портпаролот на Кремљ, Дмитриј Песков, претходно изјави дека не е исклучена можна средба меѓу двајцата лидери.
Зеленски постојано повикуваше на разговори еден на еден со Путин, велејќи дека тоа ќе биде единствениот начин да ѝ се стави крај на војната.
Песков вчера изјави и дека не се разговарало за можна средба меѓу Путин и американскиот претседател Џо Бајден, јавуваат руските медиуми.
Неколку дена пред руските трупи да ја нападнат Украина, Белата куќа навести дека за секој таков самит прво ќе биде потребна деескалација од страна на Путин.
