Тој повторно се осврна на изјавата на претседателот на Соединетите Американски Држави Џо Бајден, кој Путин го нарече „воен злосторник“.
„Нашиот претседател е многу мудар, далековид и културен меѓународен лидер и шеф на Руската Федерација. Ваквите изјави на господинот Бајден се апсолутно недозволиви, неприфатливи, непростливи“, кажа Песков.
Тој истакна дека Бајден е лидер на државата која со години бомбардира луѓе низ светот, и дека нема право да изнесува такви обвинувања.
„Кој фрли атомска бомба на земја која веќе беше поразена и која немаше апсолутно никаква смисла – мислам на Хирошима и Нагасаки. Претседател на таква земја воопшто нема право на такви зборови. Тоа е нашето длабоко уверување“, кажа Песков.
Тој ја коментираше и изјавата на Путин за самопрочистување на народот.
„Во вака тешки времиња многу луѓе ја покажуваат својата суштина. И многу луѓе се откриваат како предавници. Тие сами исчезнуваат од нашите животи, некој ги напушта своите позиции, некој работата, некој ја напушта земјата и преоѓа во други држави. Така се случува чистењето. Некој го крши законот и за тоа е казнет во согласност со судските одлуки“, кажа Песков.
