Рамзан Кадиров, лидерот на Чеченија, одговори на твитот на Маск со пост на Телеграм. Маск постот на Кадиров го сподели на Твитер.
Кадиров ги отфрли шансите на Маск да добие каква било хипотетичка пресметка со Путин, нарекувајќи го „бизнисмен и твитерџија“, додека Путин го опишува како „светски политичар и стратег кој предизвикува стравопочит на Западот и во САД“.
I hereby challenge
Владимир Путин
to single combatStakes are Україна
— Elona Musk (@elonmusk) March 14, 2022
„На Илон Маск му порачувам да не се мери со Путин. Вие не сте воопшто во иста лига. Владимир Владимирович би постапил неспортски кога би претепал толку послаб противник“, напиша Кадиров.
Тој посмешливо го повика милијардерот да тренира за борбата во Чеченија и го нарече „нежна личност со име Илона“. Кадиров му предложи на Маск да тренира употреба на огнено оружје со „специјалните сили на светското првенство“ на Рускиот универзитет за специјални сили, „кои ги победија американските специјални сили во 2015 година“.
Кадиров му предложи на Маск да дојде во боречкиот клуб Ахмат, каде ќе биде „обучен да прими удар“. По програмата на обука, тој му вети дека Маск ќе стане „бруталниот Илон каков што треба да биде“.
Telegram post by Ramzan Kadyrov, head of Chechen Republic! pic.twitter.com/UyByR9kywq
— Elona Musk (@elonmusk) March 15, 2022
Маск му одговори на постот на Кадиров, одбивајќи ја неговата покана со објаснување дека „таквата обука би му дала преголема предност“.
„Ви благодарам на понудата, но таквиот одличен тренинг би ми дал преголема предност. Ако се плаши од борба, ќе се согласам да ја користам само левата рака, а не сум ни леворак“, напиша Маск, потпишувајќи се со Илона.
Она што привлече внимание е што Илон Маск по овие објави го смени своето име на Твитер, па сега е Илона Маск.
Кадиров повторно се огласи на Телеграм, па порача дека Илона е многу убаво име, грациозно и префинето, и дека му е драго што Маск го послушал.
„А сепак, Илона, не се обидувај да се натпреваруваш со мојот претседател. Јас сум негов војник, и ќе морам да те предизвикам“, порача Кадиров.
„Чувај ги рацете, ќе ти требаат за твитање“, напиша тој.
Кадиров е познат како близок сојузник на Путин. Син е на поранешниот чеченски претседател Ахмад Кадиров, кој ѝ се заколна на верност на Русија во 2003 година за време на Втората чеченска војна. Путин своевремено воено ја покори Чеченија, која се наоѓа на јужната граница на Русија со Грузија. На таа територија се водеа две војни во 1990-тите.
