„Руската војска ја проби државната граница во Киевската област. Непријателите влегоа преку преминот Вилч, а нашите граничари заедно со војската се спремни за борба“, соопшти министерството за внатрешни работи на Украина.
Дописникот на Си-ен-ен од Киев објави на Твитер снимка на која наводно се гледа голема јуришна операција со хеликоптери на меѓународниот аеродром Антонов. Како што наведе Кристофер Милер, станува збор за територија која се наоѓа на само 15 километри од Киев.
Confirmed by Ukrainian authorities. A large air assault operation with Mi-8 helicopters on Antonov International Airport in Hostomel. Interior Ministry says Russia has seized control. Very dangerous; it’s just 15 minutes west of the capital ring road. pic.twitter.com/JhlyVktVRC
— Christopher Miller (@ChristopherJM) February 24, 2022
Друга снимка објавена на социјалните мрежи прикажува 20-30 руски авиони кои го бомбардираат претходно спомнатиот аеродром.
Ukrainian authorities say they shot down a Russian helicopter outside Kyiv. @nexta_tv claims this is a video of the incident https://t.co/xTESRNokPV pic.twitter.com/UhnFuQ2270
— Alec Luhn (@ASLuhn) February 24, 2022
Рускиот претседател Владимир Путин се обрати во раните утрински часови и го најави почеток на „специјалната воена операција“, чија цел, според него, е „демилитаризација на Украина“.
Западните лидери го осудија овој чин и најавија остри санкции против Русија, додека во Украина е прогласена вонредна состојба и општа мобилизација на населението.
