Во германски политички поткаст што ќе биде објавен в недела Шолц рече дека е убеден дека „рускиот претседател не е добро информиран“ и дека „неговите служби кријат многу од него. На пример, колку руски војници загинале во оваа војна.“
Слична изјава даде и шефот на британската разузнавачка агенција ГКХК, кој во четвртокот рече дека советниците на Путин се плашат да му ја кажат вистината. Слични коментари даде и американската влада во четвртокот, повикувајќи се на свои разузнавачки информации.
Без оглед на тоа, рече Шолц, Кремљ треба да биде свесен за размерите на својата погрешна процена за Украина. Путин почувствувал дека руската војска го измамила, рече Шолц, што предизвикало тензии меѓу лидерите на Кремљ и военото раководство.
Шолц истакна дека Русија не може да излезе како победник, без разлика како ќе заврши конфликтот. „Оваа војна ја уништува не само Украина, туку и иднината на Русија“, рече тој, додавајќи дека без мирно решение Русија нема да може да му се врати ниту на „умерениот“ економски раст.
