Украинскиот министер за енергија, Јуриј Бојко, изјави дека Украина годинава ќе купи 27 милијарди кубни метри гас од Русија, а договорот со руски Газпром предвидува испорака на 52 милијарди кубни метри гас.
Русија и Украина веќе неколку месеци се во спор околу цената на рускиот гас. Киев бара намалување на цената, а Москва за возврат бара Украина да се сврти кон царинската унија Русија-Казахстан-Белорусија, наместо кон ЕУ.
„Руските партнери не сакаат да го променат договорот за испорака на гас“, изјави Микола Азаров, украинскиот премиер, пренесува Интерфакс.
