Денеска во твит француското претседателство на ЕУ соопшти дека 27-те постојани претставници на европските земји „се согласиле да ја поканат Европската комисија да презентира мислење за секоја од апликациите за членство во ЕУ поднесени од Украина, Грузија и Молдавија“.
Со ова почнува процес што може да трае со години пред трите поранешни советски земји да се сметаат за земји кандидати за пристап во ЕУ.
Земјите што сакаат да станат дел од Европската Унија мора да исполнат строги „пристапни критериуми“, кои вклучуваат сложени социјални, правни и политички реформи и се „суштински услови што сите земји кандидати треба да ги исполнат за да станат членка“, според правилата на ЕУ.
? #COREPERII has agreed to invite the @EU_Commission to present an opinion on each of the applications for EU membership submitted by Ukraine, Georgia and Moldova.⤵️ 1/2 #EU2022FR pic.twitter.com/HPOCerxYEn
— Présidence française du Conseil de l’UE ???? (@Europe2022FR) March 7, 2022
„Капацитетот на ЕУ да прима нови членки“ исто така е дел од размислувањето за дозволување на нови земји да му се приклучат на блокот.
Во меѓувреме, претседателот на Европскиот совет, Шарл Мишел, во твит претходно денеска рече дека за кандидатурата за членство на Украина ќе се дискутира во „наредните денови“.
