Барселона го надигра Наполи на стадионот „Диего Армандо Марадона“ во Неапол и го победи со 4-2.
Победата ја најави Алба уште во осмата минута од натпреварот, а пет минути подоцна Френки де Јонг постигна прекрасен гол од далечина за 2-0 за Барселона.
Во 23. минута Инсиње од пенал намали на 2-1 и го врати Наполи во игра, но пред самиот крај на првото полувреме Пике даде гол за 3-1.
Надежите на Наполи беа срушени во 59. минута кога Обамејанг даде гол за 4-1, до крајот во 87. минута Политано успеа само да намали на 4-2.
Борусија Дортмунд одигра 2-2 на гостувањето кај Глазгов Ренџерс и не успеа да го надополни загубеното дома. Германците се елиминирани со 6-4.
Мечот меѓу Бетис и Зенит заврши без голови, Бетис славеше во Русија со 3-2, па тој оди понатаму.
