„Сините“ минатиот викенд беа изненадени од Брентфорд а потоа разочараа и во пресметката против Реал Мадрид, но денеска еден поинаков Челси славеше со убедливи 0-6 на гостувањето на „Сент Мерис“.
Алонсо го отвори резултатот во 8. минута, Маунт зголеми на 0-2, Вернер стрелаше за 0-3, а по половина час игра, Хаверц рутински реализираше за 0-4.
На стартот од вториот дел, Вернер зголеми на 0-5, а пет минути подоцна, Маунт ги постави конечните 0-6.
Арсенал си ги закомпликува амбициите за топ четири пласман откако попладнево дома загуби од Брајтон и врза два порази.
Трусар ги донесе гостите во водство од 0-1 во 29. минута, за Мвепу во 66. минута да зголеми на 0-2. Одегард во финишот само намали на 1-2.
На последниот денешен натпревар во Премиерлигата од 16 часот, Лидс со 0-3 славеше на гостувањето кај Вотфорд.
