Малку добри вести за Челси пред пресметката со Реал Мадрид во Лигата на шампиони, Томас Тухел и неговите избраници ќе играат пред полн „Стемфорд Бриџ“. Германецот беше розочаран кога по победата над Лил и заверениот пласман во четвртфинале, новинарите го известија дека ќе мораат да играат без навивачи.
Сепак, Владата на Велика Британија сега реши да ја измени лиценцата со која Челси продолжи да функционира по сакнциите врз Роман Абрамович и клубот доби дозвола да продава билети за одредени натпревари.
„Сините“ сега ќе можат да го распродадат „Стемфорд Бриџ“ за пресметката со Реал Мадрид, како и да обезбедат билети за полуфиналето во ФА Купот.
Билети ќе има и за навивачите кои ќе сакаат да го бодрат Челси на гостувањата, како и за гостинските навивачи на „Стемфорд Бриџ“ во Премиерлигата, како и за натпреварите на женскиот тим на Челси.
Челси сепак нема да ги добие парите од продажбата на билети, тие ќе завршат кај УЕФА или ФА или клубот против кого ќе играат.
Останува на сила забраната за продажба на билети за домашните навивачи на „Стемфорд Бриџ“, па на стадион ќе можат да присуствуваат само оние со сезонски билети и оние кои купиле билет пред да стапат на сила санкциите врз Роман Абрамович.
