Како што информираа оттаму, на терен биле двајца вработени во РЦУК Тетово, пет лица од Дирекцијата за заштита и спасување (ДЗС) Тетово, три полицајци од полициската станица (ПС) Жеровјане, три лица од Општина Брвеница како и градоначалникот, и едно лице-нуркач од Територијалната противпожарна единица (ТППЕ) Тетово.
„За расчистување на дрвјата, што беа паднати во речното корито на река Вардар, беше ангажиран еден багер што е во приватна сопственост. Паднатите дрвјата беа отстранети од реката кај селото Теново, а беше интервенирано и кај браната во село Радиовце каде што е испустот за водата што беше заглавен од наноси на паднати дрвја. Два нуркача од ДЗС пребаруваа детално во реката на местото каде што беа паднатите дрвјата. Согласно досегашните податоци и информации денеска до 16 часот не е пронајдено исчезнатото лице“, соопштија од ЦУК.
Информираат дека потрагата би требало да продолжи во наредните денови, при што на терен, покрај досегашните ангажирани луѓе, треба да излезат и околу 50 полицајци.
