Чикаго Булс го совлада актуелниот шампион Милвоки благодарение пред се на одличната партија на ДеРоузен кој постигна 41 поен.
Адетокумбо беше одличен, реализираше 33 поени, имаше дури 18 скокови и девет асистенции, но неговиот учинок не му помогна на Милвоки за нов триумф. 1-1 во серијата која сега се префрла во Чикаго.
[video:https://www.youtube.com/watch?v=UiWVgxBfaro autoplay:0]
Бостон губеше и со -17 поени разлика против Бруклин, но на крајот го доби мечот со 114-107 и поведе со 2-0.
Браун со 22 поени и Тејтум со 19 беа најдобри кај Бостон. Најмногу поени на мечот постигна Кевин Дурент, 27, но имаше огромен пад во последниот период кога се одлучуваше победникот.
[video:https://www.youtube.com/watch?v=ERHWopnInf8 autoplay:0]
Торонто е пред елиминација откако загуби и третпат од Филаделфија. Овојпат беше поразен на свој терен во меч со едно продолжение, 101-104.
Ембид со 33 поени и 13 скокови ја предводеше Филаделфија во третата победа од серијата. Ануноби со 26 поени беше најдобар кај Торонто.
[video:https://www.youtube.com/watch?v=LQogRgUnR1A autoplay:0]
Резултати:
Бостон – Бруклин 114:107 (2-0)
Торонто – Филаделфија 101:104 (0-3)
Милвоки – Чикаго 110:114 (1-1)
