Муртезани, како што соопшти МЕП, денеска и утре ќе престојува во работна посета на Берлин, во чии рамки предвидено е да се сретне со државниот министер за Европа во германското Министерство за надворешни работи, Гинтер Крихбаум, шефот на Одделот за европска политика при Сојузната канцеларија, амбасадорот Михаел Клаус и со генералниот секретар на Фондацијата „Конрад Аденауер“, Марк Шпајх.
На средбите, додава МЕП, посебен фокус ќе биде ставен на стратешката поддршка од Германија во клучните сектори и на перспективите за продлабочување на партнерството во светло на актуелните европски и регионални предизвици.
Работната посета на министерот Муртезани на Германија, нагласува МЕП, претставува потврда за заемната определба за динамичен политички дијалог и континуирана соработка, во насока на забрзување на европските интеграции и зајакнување на стабилноста и просперитетот на регионот.
