Нему одземен му е пасошот, има забрана за приближување до девојчето, како и забрана за извршување на работните обврски.
„На лицето определени му се мерки за претпазливост. Одземање на патна исправа, забрана за приближување на неколку лица и забрана за извршување на работните задачи“, велат од МВР.
Неофицијално, на информативен разговор во полиција биле повикани и поранешни ученички за кои постојат индиции дека биле вознемирувани од истиот професор.
Директорот на средното училиште вчера изјави дека случајот со 18 годишната ученичка најпрво бил пријавен кај него, а веднаш потоа била известена полицијата.
Според пријавата до МВР, вознемирувањето од страна на професорот кон ученичката траело од крајот на февруари до почетокот на март годинава.
