Според соопштението, првопријавениот Б.А., како сопственик и управител на фирмата арѓира дооел скопје, во периодот од 2020 до 2023 година присвоил трговска стока – златен накит во вредност од 197,7 милиони денари. Притоа, тој не пресметал, не пријавил и не уплатил данок на додадена вредност од над 35,5 милиони денари, како и данок на личен доход во износ од речиси 22 милиони денари, со што, како што наведуваат надлежните, е оштетен буџетот за над 57,5 милиони денари.
Второпријавениот Д.Х., исто така сопственик и управител на истото правно лице, во текот на 2024 година присвоил дел од увезената стока – златен накит и необработено сребро во вредност од над 2,6 милиони денари, како и сметководствено евидентиран кало-растур во износ од околу 22,6 милиони денари. Со тоа, според Финансиската полиција, избегнал да пријави и плати ДДВ и данок на личен доход во вкупен износ од над 7,3 милиони денари.
Со ваквите дејствија, пријавените во периодот од 2020 до 2024 година се стекнале со противправна имотна корист и го оштетиле буџетот на Република Македонија за вкупно 64.924.298 денари.
По насоки на Основното јавно обвинителство Скопје, денеска службени лица на Управата за финансиска полиција ги привеле пријавените лица.
