„Чекајте ве молам, дали тоа вие од мене барате да ги наместам другите за вие да ме ослободите мене?, ја прашав.
Па немојте така да ги сваќате работите, јас само барам да ни помогнете, да имаме соработка, одговори Јанева.
Ѝ одговорив дека луѓето добро ги познавам и знам дека немаат никаква вина. Дека и тие како и јас сме под политички прогон и дека немам ништо во прилог што би ѝ помогнало, а да местам некој невин, тоа не доаѓа во предвид.
Добро, одговори подналутена и веќе со поостар тон. Тогаш ние ќе продолжиме со нашата работа, по што по кратко ја завршивме средбата“, напиша Груевски и додаде дека затоа смета дека е точно она што го говори таткото на Јане Ченто дека неговиот син добил понуда лажно да сведочи во замена за полесна казна.
Оваа писмена изјава на Груевски доаѓа по вчерашното сведочење на неколкумина обвинети во случајот Рекет.
