Денеска, како што беше најавено, Обвинителството требаше да почне со давање на завршни зборови, но судијата Осман Шабани, на почетокот на денешното рочиште информираше дека од адвокатот Часлав Станоевиќ, бранител на обвинетиот Томе Ѓурчилов, на 8 февруари бил доставен поднесок со прилог медицинска документација по кое судот утврдил дека обвинетиот е спречен да присуствува на денешната главна расправа поради инфекција со ковид-19, утврдена на 5 февруари од страна на ПЗУ Клиничка болница „Жан Митрев“.
Во случајот „Топлик“ првообвинет е поранешниот министер за транспорт и врски, Миле Јанакиески. Тој и уште пет други лица од министерството, кои биле членови на Комисијата за јавни наддавања, се обвинети за злоупотреба на службената положба и овластувања.
Предметот, кој беше отворен од поранешното СЈО се однесува на продажба на градежо земјиште за изградба на населбата Сончев Град во Сопиште.
