Како што најави Ангелов денеска ќе се гаснат овие два големи пожари.
„Рано утрово стигна помош од Турција. Пристигнаа еден хеликоптер и два ер трактори и им се придружија на нашите воздухоплови во гаснењето на пожарите на Серта и во Ново Село. На локалните противпожарни бригади им се приклучени и доброволци како и 130 припадници на АРМ и 30 припадници на специјалните единици на МВР. Се обидуваме на некои места да транспортираме пожарникари, а работиме и на таканаречени противпожарни пресеци за да го спречиме ширењето на огнот“, информираше Ангелов.
Ангелов уште кажа дека вчера се угаснати неколку критични точки, но сепак и двата пожари сѐ уште се активни и не се ставени под контрола.
