Од ЦУК велат дека засега немаат можност да споделат фотографии и видео од пожарот на македонска страна затоа што горе на планината нема интернет конекција.
ЦУК информира дека утрово започна гаснењето на пожарот на Огражден, над селото Бадилен. Бидејќи се работи за тешко пристапен терен еден полициски хеликоптер префрлил 10 струмички пожарникари во близина на пожарот за да можат да започнат со гаснење од земја, а потоа, како што е најавено, полицискиот хеликоптер ќе дејствува од воздух.
Од утрово треба да бидат активирани и два противпожарни авиони ер-трактор откако вчера Владата одобри да бидат ангажирани со договор на дело двајца пензионирани пилоти.
Од воздух треба да се помогне во гаснењето на пожарите на планините Огражден и Серта.
