„Најтешкиот пожар е оној во Јасен, но предмалку изгубивме контрола и на еден крак од пожарот во Јегуновце, кој гори на рид каде што има неколку репетитори. Репетиторите се успешно спасени и остануваат функционални, но пожарот е сè уште активен“, изјави Ангелов.
На терен дејствува еден полициски хеликоптер, а според проценките на Дирекцијата, се очекува пожарот во Јегуновце да биде ставен под целосна контрола во текот на денешниот ден.
Утрово на територијата на Македонија на отворен простор има два активни пожари, еден под контрола, а во изминатите 24 часа изгаснати се 26 пожари, информираа претходно од Центарот за управување со кризи.
