Исто така, коментари за подобрување на содржината на предложените законски решенија може да се доставуваат и на електронските адреси [email protected] за новиот закон за високото образование и [email protected] за законот за обезбедување квалитет во високото образование и науката.
„Грижата за образованието е заедничка општествена одговорност. Ги охрабруваме сите засегнати и заинтересирани субјекти да дадат свој придонес во усвојувањето на најдобрите законски решенија кои ќе бидат основа за понатамошен развој на образовниот систем и на научноистражувачката дејност во Македонија“, соопшти МОН.
