Стратегијата има приоритети, како економско зајакнување на жените, еманципација на жените од руралните средини, зголемување на бројот на жени во донесување на клучни одлуки во јавниот и во политичкиот живот.
Документот е изготвен од Општина Кавадарци и Комисијата за еднакви можности на Советот на Општина Кавадарци, со менторска поддршка од Гордана Несторовска Мицова, Бранка Минчева Коцевска и координаторката за еднакви можности во Општина Кавадарци, Марија Камчева. Според податоци во Стратегијата, бројот на жени кои се корисници на помош од Центарот за социјална работа е многу поголем од бројот на мажи.
„Исклучок е здравствениот сектор во Кавадарци каде има трипати повеќе жени вработени во однос на мажи“, подвлекува Камчева.
Но, во однос на бројот на вработени во Министерството за внатрешни работи – ОВР Кавадарци има 77,4 отсто мажи и 22,6 отсто жени.
Жените пак, се доминанти во управните одбори на училиштата и советите на родителите, каде нема финансиски надомест за членување, а мажите се застапени во управни одбори каде за својот ангажман се платени. Во однос на директорските позиции во институциите и јавните претпријатија кои се под ингеренции на локална самоуправа, има родов баланс во директорските позиции на училиштата бидејќи има четири директори на основни и средни училишта и пет директорки. Во однос на директорските позиции во јавните претпријатија, има родов дисбаланс, бидејќи има четири директори и две директорки.
