ВМРО-ДПМНЕ: Добро би било Ахмети да го објасни бенефитот за граѓаните на Липково од споменикот

„Добро би било да го објасни Ахмети бенефитот за граѓаните на Липково од споменикот, со оглед на тоа што тамошните жители се иселија во отсуство и бесконечно чекање на инвестиции. Липково чекаше фабрика, а доби уште едно замајување, споменик и лага на ДУИ. Секако ваквите теми и потези предизвикуваат фрустрација на останатите граѓани, и во таков еден случај кога ќе има други чекори, кога некое друго спомен обележје ќе изникне, ДУИ и СДСМ не треба да глумат изненадена страна. Жално е што Ковачевски и СДСМ останаа неми за активностите на нивниот коалициски партнер. СДСМ и Димитар Ковачевски како по обичај кога се случуваат вакви нешта се прават недоветни, на тој начин со нечинење придонесувајќи натамошно да се разградат кревките мостови на соживот во земјата“, се вели во реакцијата на ВМРО-ДПМНЕ.