Во соопштението од кабинетот на шефот на државата се вели дека претседателот Пендаровски ги информирал соговорниците за актуелните прашања од европските интеграции на земјата, како и за реформските процеси кои треба да се спроведат во поглед на владеење на правото и борбата против корупцијата.
На средбата се разговарало и за состојбите во регионот, како и безбедносните предизвици во Европа, како последица на руската воена агресија во Украина.
Советот на американски амбасадори е непрофитна организација во која членуваат над 200 амбасадори на САД, која работи во поддршка на Стејт департментот и шефовите на мисии, спонзорира стипендии за развој на млади лидери за кариера во јавната дипломатија и меѓународните прашања, организира мисии за утврдување на факти во странство и ја едуцира јавноста за надворешно-политичките прашања кои влијаат на националниот интерес
