Арсовски додаде дека земјава ги спроведе сите реформи, дека се исполнети сите критериуми на ЕУ за отворање на процесот за членство, за што впрочем, рече, и има одлука за почеток на преговорите уште во 2020 година и додаде дека нашата земја има и контруктивен однос за сите различни идеи и предлози за изнаоѓање решенија.
Прашан во однос на барањето на пратеници од опозицијата, премиерот Димитар Ковачевски да информира за дијалогот со Софија во Комисијата за надворешна политика и воедно да му бидат поставени прашања, портпаролот рече;
„Владата е максимално фокусирана кон изнаоѓање решение во интензивната комуникација што ја водат министерствата за надворешни работи на двете земји. Во моментот кога ќе имаме заеднички прифатлив договор за отворените прашања ќе бидат запознаени сите чинители во државата“.
