На средбата се разговарало и состојбата во Украина и агресијата на Руската Федерација, при што Османи посочил дека високо ги цени напорите на министерот Чавушоглу во посредувањето меѓу овие две земји за да се изнајде решение за воената криза. Двајцата министри заклучиле дека како НАТО сојузници ние сме силни, одлучни и обединети околу ова прашање.
„Од најголема важност е да се запрат страдањата на луѓето во Украина. Како членка на Тројката на ОБСЕ, ние сме подготвени да придонесеме на кој било начин за да помогнеме“, истакна Османи.
На средбата, особено внимание било посветено на исклучително добрата економска соработка меѓу двете земји, при што министрите се обврзале на активности кои ќе придонесат кон продлабочување на деловните и трговски врски.
