„Велам ќе почнат притисоците, ќе почнат повторно притисоците врз пратениците, ќе почнат притисоците врз луѓето кои што се внатре, ќе почнат девалвирањето на тој парламент. И, како што е сценариото веќе видено во минатото. И затоа велам, го прифаќам сиот товар врз себе да ги заштитиме тие луѓе кои што се во парламентот, да го заштитиме нивното достоинство, да ги видиме оние гаранции од Брисел и потоа можеме да разговараме за секакви договори”, рече Мицкоски.
Тој додаде дека во овој момент и во иднина, како што стојат бројките и расположението на граѓаните, таков договор каков што планира да го потпише Ковачевски нема да биде успешно поминат во Парламентот.
„И одбивам да бидам прогласен за анти – ЕУ, ако не го поддржам тој договор. Прво, на маса сакам да видам гаранции. И Петков бара, барам и јас гаранции, за мајчиниот јазик – македонскиот, гаранции за мојот народ – македонскиот, дека има своја историја вековна, традиција, култура, обичаи. И, конечно третата гаранција е дека никогаш повеќе никој нема за вакви глупости нас да не попречува да станеме земја членка на ЕУ”, рече Мицкоски.
