Според премиерот, Македонија заврши успешен скрининг процес, кој што е признаен од ЕУ, меѓутоа, како што нагласи постои уште една обврска што треба да се заврши (уставни измени, н.з.)..
„Таа сега зависи од нас, меѓутоа, таа дискусија секако ќе продолжи. Процесот ќе продолжи и неминовно ќе заврши со влез на Северна Македонија во ЕУ,“ истакна Ковачевски.
Според Ковачевски, доколку сите политички актери во нашата држава имаа позиција како што има владејачката коалиција, денеска ќе беше друга ситуација овде, и како што вели, ќе разговаравме за отворање на поглавјата и кластери.
Во однос на уставните измени, Ковачевски, рече дека тоа е обврска што е многу јасно нотирана во Извештајот и во самите предлог заклучоци стои дека штом, тие амандмани ќе бидат донесени, веднаш ќе биде одржана втората меѓувладина конференција.
„Сѐ она што јас го зборувам во изминатите година и половина се потврди како точно“, порача Ковачевски.
