„На европските избори ВМРО доби двајца пратеници во Европскиот парламент. Тие продолжуваат да ги заштитуваат правата на македонските Бугари. Ние никогаш не направивме компромис и благодарение на ВМРО не се дозволи напредок во односите со Република Северна Македонија. Тука се тие кои ние не ги предадовме и поважно кои сами не се предадоа и покрај притисокот на кој секојдневно се подложени од властите во РСМ. И покрај неразбирањето на дел од бугарското општество што точно се случува. Фала богу тоа е мал дел од бугарското општество, бидејќи 80 отсто од Бугарите не сакаат Бугарија да прави компромис за својата историја“, изјавил Каракачанов.
Претходно Каракачанов објави дека се повлекува од претседателската функција во партијата и предложи тројца копретседатели да го преземат кормилото на, како што рече, 128-годишната организација.
