Според последните резултати од Барометарот како најматен настан е издвоен измените на Кривичниот законик (КЗ) од 6-ти септември со кои се обезбедуваат застарувања на голем број предмети на функционери и службени лица обвинети за коруптивни дејствија. При тоа, ТИ-М потсетува на случаите Таргет-тврдина, Моќник, Продуцент, Топлик, Тарик, Змиско око, но посочува и на дел од реакциите на обвинители.
Како втор најматен настан е издвоен фактот што нема одговорност за функционери кои не ги доставуваат потребните информации до Државната комисија за спречување на корупцијата. Во таа смисла ТИ-М потсетува дека ДКСК ја запре постапката за дивоградбите во Чаир затоа што градоначалникот Висар Ганиу со години не им ги дава информациите.
Уште еден матен настан според ТИ-М е Извештајот на Земји за борба против корупцијата (ГРЕКО) според кој оваа група земји не е задоволна од усогласеноста на Македонија со препораките на ГРЕКО за борба против корупцијата.
И 67-то место на Македонија на најновата листа на Индексот за владеење на правото на Светскиот проект за правда најде свое место вонајматните настани на ТИ-М.
Од бистрите настани пак,свое место во извештајот на ТИ-М најде откривањето на злосторничко здружување за даночно затајување случај познат како „Синџир“. Освен тоа други бистри настани според оваа организација се наколкуте кривични пријави кои се однесуваат на полицајци но и вработени во институции на општинските власти.
