Неодамна министерот донесе одлука во изводите да има графа за припадност на етничка заедница, поради што секој што вади нов извод мора да се изјасни на коа заедница ѝ припаѓа.
Таквата одлука е новина во македонското општество и, според бројни реакции, е недозволива и претставува мешање на државата во чувствата на граѓаните во едно граѓанско општество.
Левица поднесе иницијатива за оценка на уставноста на ваквата одлука,односно на Упатството за матична евиденција, но и Уставниот суд по своја иницијатива одлучи да ја оценува уставноста и експресно закажа прва седница веќе за 6 јули. Во изјава на брифинг со новинарите, претседателката на Уставниот суд Добрила Кацарска изнесе свое мислење дека се работи за неуставна одлука.
