„За ова треба да дадат одговор денес, а не да молчат и да кријат цело време Зошто тој документ е таен и што има владата да сокрие од македонската јавност? Доколку сѐ е, како што велат, во интерес на граѓаните, зошто би го криеле“, рече Арсовски.
Тој истакна дека криењето со право отвора сомнежи дека се подготвува ново предавство.
„Тоа нас ни дава право и како политичка партија ВМРО-ДПМНЕ, но и на граѓаните да се сомневаме дека се подготвува ново предавство на штета на националните и државните интереси. ВМРО-ДПМНЕ нема да прифати таков штетен договор“, нагласи Арсовски.
