Неисполнувањето на оваа обврска (60-часовна работна недела), освен казната од 53 милиони евра ќе значи и продолжување на рокот за завршување на работите за најмалку 6 месеци. Овие 53 милиони евра ќе бидат исплатени во рок од 15 дена по истекувањето на рокот од 45 дена, кога Работодавецот треба да обезбеди 60-часовна работна недела за персоналот на Контракторот. А капиталните индиректни трошоци, кои се плаќаат месечно, ќе пораснат за најмалку 1.265.000 евра месечно, пишува во договорот.
Плусинфо јавно ги прашува потписниците на договорот со „Бехтел и Енка“ зошто прифатиле ваков услов кога се знае дека законските измени ќе доведат до дискриминација и до нерамноправен третман на работниците на пазарот на трудот, што може да биде основа законските измени, ако се усвојат, утре да бидат поништени од страна на Уставниот суд?
