„Возилото е подигнато од страна на ПОЦ, а од страна на СВР Скопје преземени се мерки по член 63 став 6 од Закон за безбедност на сообраќајот на патиштата и на возачот на возилото С.К. издаден му е платен налог. Исто така ве информираме дека предметното возилото не е на полициски службеник. Во врска со постапувањето пак на полициските службеници при подигнувањето на возилото, веќе постапува Одделот за внатрешната контрола, криминалистички истраги и професионални стандарди при МВР и по завршување на целокупната постапка соодветно ќе ја известиме јавноста“, се наведува во соопштението од Министерството за внатрешни работи.
За овој настан претходно реагираше и градоначалникот на Општина Центар Горан Герасимовски, оценувајќи ги како „некоректни и манипулативни обидите од некои медиуми да се префрли одговорноста на Пајак службата на ЈП Паркинзи на Општина Центар“. Тој тврди дека полицијата, а не ПОЦ, одбивала да го подигне возилото, и побара од МВР да ги санкционира.
