Тодор Кулаков, таткото на Фросина, изрази сериозно сомневање дека целта е да се намали казната на Јованов, кој со своето возење предизвика смрт на неговата ќерка. Тој обвини дека правосудниот систем произведува неправди што ги погодува родителите и блиските на сите настрадани и побара Судскиот совет да покрене дисциплинска постапка против судијката Снежана Марковска.
„Ова не е правдата што ја заслужуваме. Ќе бараме одговорност од сите кои учествуваат во оваа нова судска афера“, рече Тодор, нагласувајќи дека сомневањето за вмешаност на Врховниот суд во повторното разгледување на предметот за дилерство со дрога, поврзан со Јованов, ја зголемува нивната загриженост.Протестот почна пред Универзалната сала, на местото каде што Фросина беше прегазена на пешачки премин, а заврши пред Основниот суд.
Вчера Јованов, по признавањето на вината, беше осуден на 12 години затвор.
