Според Николовски, на расправите на извршниот и централниот одбор на партијата, имало мислење од неколкумина дека на локалните избори треба да настапат самостојно, но 90 отсто се изјасниле за коалиција со актуелната власт, додека за останување во коалиција со СДСМ – никој не се изјаснил.
За престојните локални избори, Партијата на пензионери најавува дека ќе имаат свои листи за советници во Штип, Делчево, Пехчево, а во Општина Карбиници ќе имаат и свој кандидат за градоначалник. На ниво на државата ќе бараат министерски места и директорски фотелји.
Како што посочи Николовски, очекуваат поголема вклученост на членови во партијата со цел да се изнесат барањата на пензионерите, како и повеќе советнички места во општините.
