„Загрижувачка е и состојбата во пресрет на повторените избори закажани за 11 јануари. Наместо избори да се одржуваат во демократска, рамноправна и слободна атмосфера, фактот што кандидатот за градоначалник е истовремено назначен и за повереник, а тоа назначување е направено без јасни и објективни критериуми, туку исклучиво како политичка одлука сериозно ја доведува во прашање легитимноста на целиот процес. Со овој потег се докажува дека личните и партиските интереси се многу побитни од интересите на жителите на Центар Жупа. Поради овие причини, и водејќи се од демократските принципи, Партијата за движење на Турците (ТХП) не може да прифати воспоставување на едноначелна пракса врз турската заедница, ниту пак фактот што, и покрај тоа што Турците се мнозинство во општината, нивниот глас не е одлучувачки. Како резултат, на заедницата ѝ е ускратено правото да избере градоначалник под еднакви услови“, велат од ТХП.
Затоа, Партијата за движење на Турците (ТХП) објави дека на 11 јануари 2026 година нема да учествува на повторените избори во Општина Центар Жупа.
„Оваа одлука ја донесуваме со цел да ја истакнеме нашата длабока загриженост за демократијата и правдата во нашата држава“, велат од партијата.
