Откриено е лицето кое се закануваше со подметната бомба во авион, обвинителството води истрага

Осомничениот на 16 август наутро преку телефонската линија за итни случаи 192 со умисла упатил сериозна закана за подметната бомба во авион на Меѓународниот аеродром Скопје. Веднаш по приемот на заканата од страна на Секторот за борба против тероризам, насилен екстремизам и радикализам биле активирани протоколите за антитерористичка проверка и по неколкучасовна проверка е утврдено дека станува збор за лажна пријава. Осомничениот со својата постапка создал чувство на страв и несигурност кај патниците и другите присутни на аеродромот, а воедно со активирање на протоколите за антитерористичка проверка го пореметил и севкупниот воздушен сообраќај.