Станува збор за врвен банкарски професионалец со повеќе од 20 години работно искуство во финансискиот сектор, период кога бил на повеќе одговорни раководни позиции и успешно се справувал со сите предизвици.
„Почестен сум од довербата да бидам именуван за член на Управниот одбор на УНИ банка АД Скопје. Со благодарност ја прифаќам одговорноста, верувајќи дека сите заедно како колектив имаме голем потенцијал и можеме да ја исполниме нашата мисија. Подобрувањето на услугите за клиентите, креирање иновативни продукти, активно унапредување на дигитализација на банката, како и севкупното подобрување на перформансите на банката се сегменти од работењето кои ќе бидат во мојот фокус”, истакна Ваташки.
Во неговата досегашна банкарска кариера бил дел од Банка Пиреос Бугарија, Софија, како раководител на одделение во Дирекција проблематични кредити, потоа од МКБ Унионбанк, Софија, која е дел од Bayern LB Германија, како раководител на Одделение проблематични побарувања, а за истакнување е и неговото искуство во Прва инвестициска банка, Софија, како директор на Дирекција проблематични активи.
Ваташки во УНИ банка АД Скопје ќе биде одговорен за дирекциите: Управување со ризик, Финансии и сметководство, Информатички технологии, Платни системи, Управување со проблематични пласмани, Картично работење и Кредитна администрација.
УНИ банка АД Скопје неколку години по ред остварува исклучителни резултати. И најновиот финансиски извештај за првиот семестар од 2025 година покажува раст на кредитирањето и нивото на депозити, раст на добивката и висока позиционираност во сегментот средни банки. Акциите на банката неколку години по ред се меѓу најпосакуваните на Македонската берза, што е потврда за добрата стратегија, одличната кадровска структура и воопшто за успешното работење на оваа институција.
